TIRANE- Sipas treguesit të Vlerës së Shtuar Bruto (V.B.SH) ekonomia në tremujorin e tretë të vitit 2013 vlerësohet me rënie prej 2,26 % kundrejt tremujorit të tretë të vitit 2012.<br /><br />Gjergj Filipi drejtori i INSTAT informon se ndikim në këtë rënie kanë dhënë të gjitha degët kryesore të ekonomisë duke përjashtuar atë të bujqësisë.<br /> <br />Në një konferencë për shtyp ku paraqiti të dhënat për këtë 3 mujor, Gjergj Filipi, drejtori i INSTAT-it deklaroi se vetëm sektori i bujqësisë u rrit me 2.9 përqind, krahasuar me një vit më parë.<br /> <br /> Sektorët e tjerë, përfshirë ndërtimin, grupin e shërbimeve kanë pasur ecuri negative në 3 mujorin tretë të vitit 2013<br /><br />Grupi i industrive u ul me 4,6% në tremujorin e tretë të vitit 2013 krahasuar me tremujorin e tretë të vitit 2012. Ndikimin kryesor në këtë rënie e pati industria përpunuese me rreth 7 %.<br /><br />Aktiviteti i ndërtimit në tremujorin e tretë të vitit 2013 pati ulje prej 10 % krahasuar me tremujorin e tretë të vitit 2012.<br /><br />Grupi tregti, hotele dhe restorante pati një rënie prej 3,4 % në tremujorin e tretë të vitit 2013 krahasuar me të njëjtin tremujor të një viti më parë. Në këtë grup, rënia me rreth 13 % e degës së hotele dhe restorante dhe degës së tregtisë me 1,6% patën ndikimin më të madh. <br /><br />Aktiviteti i transportit në tremujorin e tretë të vitit 2013 u ul me 4,2 % krahasuar me të njëjtin tremujor të një viti më parë.<br /><br />Grupi i postë dhe komunikacionit u shfaq me rënie prej 1,2 % në tremujorin e tretë të vitit 2013 përkundrejt tremujorit të tretë të vitit 2012. Grupi i shërbimeve në tremujorin e tretë të vitit 2013 pati rënie me 0,5 % kundrejt tremujorit të tretë të vitit 2012.<br /><br />Në këtë grup, sektori financiar, administrata publike, arsimi dhe shëndetësia ndikuan pozitivisht, ndërsa rënia ndikohet nga ecuria negative e sektorit të pasurve të patundshme, rentës dhe aktiviteteve ndihmëse të biznesit ( aktivitete ligjore, të arkitekturës, inxhinierike si dhe konsulenca financiare.<br /><br />Filipi vlerësoi se sa i përket ndryshimeve ndaj tremujorit pararendës, ekonomia vlerësohet me rënie prej 2% krahasuar me tremujorin e dytë të vitit 2013.<br /><br />Tremujori i tretë përkon me periudhën e tranzicionit politik, me muajt korrik, gusht, shtator, pas përfundimit të zgjedhjeve të qershorit, ku vendi ishte vetëm formalisht me Qeveri, çka duket se ka ndikuar jo pak në ecurinë e ekonomisë.
